Hverjum þykir sinn fugl fagur!

Í gærkveldi hófst formlega kosningarsjónvarp RÚV ohf með því að formenn þeirra flokka sem hafa fengið úthlutuðum listabókstaf tókust á.

Þetta var fyrir margt mjög skemmtilegur þáttur - uppröðunin í þáttinn var sérstök að mér fannst - stjórnarflokkarnir saman, Addi Kiddi Gau á milli þeirra ásamt Ómari og svo sat Ingibjörg og Steingrímur saman.

Mér fannst í raun engin einn bera af þessum fundi - ég datt í það að horfa á kjækina í honum Jóni, hendurnar á honum Geir (nuddandi þumlunum saman), Ómar komst aldrei að, bendandi út í loftið og reyndi hvað hann gat til að koma sínu á framfæri.  Ingibjörg fannst mér detta í röflgírinn og gerði eins og Ómar alltaf að benda eitthvað út í loftið.  Steingrímur fannst mér um tíma vera að detta úr stólnum því honum lá svo mikið á hjarta.  Það var í raun ekkert nýtt sem ég heyrði í þessum þætti. 

Mér persónulega finnst Geir vera sterkur leiðtogi,  ég er ekki einn þeirrar skoðunar ef litið er til síðustu skoðanakönnun Capacent.  Steingrímur hefur sterkar skoðanir á málunum og hefur barist fyrir þeim.  Ég virði Steingrím mikið fyrir þessar skoðanir, þó ég sé þeim alls ekki sammála.

Ingibjörg fannst mér vera góður borgarstjóri á sínum tíma.  Ég óttaðist að hún myndi ná að leiða Samfylkinguna til stórs sigurs í kosningunum 2003 en hún tapaði því úr höndunum á sér þá og hefur, að mínu mati, ekki náð sér upp úr því.  Mér finnst hún föst í röflgírnum og sveiflast fram og til baka, afturábak og áfram eftir því hvernig umræðan þróast í samfélaginu.  Mér finnst hún ekki hafa neina fasta skoðun á málums.

Sem sagt ekkert nýtt sem kom fram á fundinum í gær - hef heyrt þetta allt áður - en það er alveg greinilegt af lestri blogga hér á mbl.is að "Hverjum þykir sinn fugl fagur". 

Athugasemdir

[Guðrún Emilía Guðnadóttir, 11.4.2007 kl. 16:11]

Sammála að mestu leiti allt er þetta ágætisfólk kvert á sínu sviði, en Íngibjörg er meira en röflari hún er bara hundleiðinleg. Nú Steingrímur hefur alltaf verið vel máli farinn og það hefur ætíð verið gaman að ljá honum eira, en ástundum er þetta svolítið þreitt hjá honum.  Addi kitti Gau  hann lýsir sér best sjálfur. Jón er ja ég veit það ekki. Ómar á eftir að sanna sig. Nú Geir er að  sjálfsögðu afskaplega  hæfur maður, en að maður sé að heira eittkvað nýtt er af og frá. ég á afar erfitt með að treista á neitt í dag.