Þjónustustig landsbyggð vs höfuðborgarsvæðið

Já víða er þjónustustigið slæmt fyrir utan höfuðborgarsvæðið en víða er það líka mjög gott.  Slæmt þykir mér þegar blaðamaður alhæfir svona um þjónustustig allstaðar á landsbyggðinni.  Það er eins og fólk sé í slæmum málum ef það veikist eða slasast þegar það ekur fram hjá Borgarnesi eða Selfossi. 

Það var nú í byrjun þessarar viku að Ragnheiður Ríkarðsdóttir var að gagnrýna stöðu mála í sjúkraflutningum í Mosfellsbæ - þar telur hún að of mikill tími fari í það að bíða eftir sjúkrabíl - má ekki segja að það sé einnig slæmt þjónustustig - eða hvernig skilgreinir blaðamaður það - eingöngu út frá því hversu margir sjúkraflutningsmenn séu til taks. 

Það má að mínu mati má setja meiri fjármuni í það að mennta einstaklinga til sjúkraflutninga, einnig má gera betur í því að borga þessum einstaklingum laun fyrir sína vinnu - víða eru þeir að hlaupa úr vinnu til að sinna þessu - oft án þess að þiggja krónu fyrir.  Má þá spyrja sig hvernig eru með tryggingar þessara manna ef eitthvað kemur fyrir - eru þeir tryggðir.

Hér í Ísafjarðarbæ er það þannig að vakt er á slökkvistöðinni frá 08 - 16 á daginn, eftir það er bakvakt.  Fá þeir greitt fyrir bakvaktirnar og einnig fyrir útköllin sem berast eftir fjögur.  Á Þingeyri er einnig sjúkrabill.  Þar eru einstaklingar sem ekki eru á bakvakt og þeir eru, því miður, ekki að fá greitt fyrir þau útköll sem þeir sinna - á hvaða tíma sólarhrings sem þau eru. 

Það má laga margt í þessum málaflokki en það er einnig vel að þessu staðið víða, það er hæft fólk sem er að vinna að þessum málum víðar en á höfuðborgarsvæðinu.

Viðbætur, skrifaðar 6.júlí.

Eftir að hafa sett þetta inn á vefinn hefur mér verið tjáð að það er einn einstaklingur í hlutastarfi á Þingeyri og fimm sem fá greidd fyrir útköll.  Það er ávallt miðað við að tveir fari í útköll.  Ég bið hlutaðeigandi velvirðingar á þeim fölsku skrifum mínum sem koma fram í blogginu.

Sjúkraflutningamenn oft einir á ferð með sjúklinga

Athugasemdir

[Ágúst Atlason (IP-tala skráð) 4.7.2007 kl. 15:00]

Við getum státað af afbragðs fólki bæði í sjúkraflutningum og slökkviliði, það segiru satt.

Svona er bara oft umræðan, ekkert virðist vera í lagi nokkrum metrum fyrir utan höfuðborgina og þá er alhæft að það sé alls staðar þannig í fjölmiðlum.