Borgarafundurinn "Lifi Vestfirðir"

Ég fór á borgarafundinn í Hömrum í gær sem hafði yfirskriftina "Lifi Vestfirðir" og fannst mikið til hans koma.

Þetta var fjölmennur fundur eins og við mátti búast, ruv.is sagði að um 200 manns hefðu mætt til að hlusta á framsögurnar og láta álit sitt í ljós með stöðu mála í atvinnumálum á Vestfjörðum.   

Það voru fluttar sjö framsögur sem mér fannst allar góðar.  Margt misjafnt kom fram í þeim eins og gefur að skilja. 

Steínþór Bragason kom mér á óvart því ég taldi að maður sem hefur hlotið tilnefningu til nýsköpunarverðlauna forseta Íslands myndi nota allan tíma sinn til að fjalla aðarlega og eingöngu um nýsköpun á þessu svæði en reyndir varð önnur.  Hann setti fram forvitnilega hugmynd að stofnun nýs nýsköpunarsjóðs á þessu svæði sem áhugavert væri að skoða hvort væri framkvæmanlegt  Það tók í raun ekki langan tíma að fara yfir það.  Síðan fór hann að fjalla um vegamálin, samgöngurnar og varpaði upp korti af Vestfjörðum (hinu gleymda svæði í samgönguáætluninni eins og hann sagði) sem hann hefur birt nokkrum sinnum að undanförnu.  Það kom mér á óvart að Steinþór fjallaði um þetta á þessum vettvangi- ég taldi að hann myndi fjalla um einhverja nýsköpun (eins og titill fyrirlesturs hans gaf í skyn) en ég varð svo fyrir vonbrigðum þegar hann gerði það ekki. 

Einar Hreinsson flutti fyrstu framsöguna og fór yfir það hvernig að byggðamálum hefur verið staðið síðan 1963 í stuttu máli sagt bara alls ekki nógu vel.  Það voru mjög góðar upplýsingar sem hann setti fram á skemmtilega hátt og fór yfir hvað ráðamenn hafa sagt í gegnum tíðina um þessi mál - þá aðallega Sturla Böðvarsson, samgöngumálaráðherra, og Valgerður Sverrisdóttir, þá iðnaðar - og viðskiptaráðherra.  Mikið var líka fagnað þegar hann lauk máli sínu.  Mér fannst Einar koma þessu vel frá sér og flott að sjá hvernig hann setti þetta upp - Einar var reiður í máli sínu og ég held að allir fundarmenn hafi skilið hann vel - það hefur of mikið verið sagt en ekki nægilega mikið gert í byggðamálum, sérstaklega á þessu svæði. 

Kolbrún Sverris, Anna Guðrún, Ólafur, Lína Tryggva og Þorleifur fluttu sínar framsögur vel. 

Kolbrún var jarðbundin að venju.  Raunsæ framsaga hjá henni sem gott var að hlusta á. 

Anna Guðrún flutti í raun það sama og grein hennar í morgunblaðinu á laugardaginn fjallaði um og gerði hún það vel. 

Ólafur kom með tillögu um að Vestfirðingar fengu til baka það sem þeir hafa misst af kvótanum síðan hann var settur á eða um 20.000 þorskígildistonn.  Las úr bók fyrrum forsætisráðherra sem sagði að kvótasetningin hefði verið röng á sínum tíma.  Ólafur vitnaði líka í Churchill þegar hann sagði eitt sinn "give us the tools and we will finish the job".  Góð framsaga hjá Ólafi þó ég telji að kvóti sé af hinu góða fyrir þetta samfélag þá er hann ekki allt. 

Þorleifur fór yfir möguleika okkar í rannsóknum á þessu svæði, sem eru miklir og hvatti ráðamenn þjóðarinnar til að standa vel að uppbyggingu fleiri rannsókna á þessu svæði.

Síðan var komið að fyrirspurnum úr sal.  Þá kom eins og maður bjóst alveg við - framboðsræðum wonnabe þingmanna og þingmanna elect.  Að sjálfsögðu var þetta góður vettvangur til að láta sjá sig og koma sér á framfæri á einum fjölmennasta fundi síðari tíma hér á Ísafirði.  Betri vettvang fá þessir wonnabe þingmenn ekki til að koma sér á framfæri og láta ljós sitt skína.  Einar Hreinsson sagði í enda fundarins og uppskar mikil fagnaðarlæti fundarmanna þegar hann sagði wonnabe þingmönnum að þetta hefði ekki verið rétti tíminn fyrir framboðsræður.  Góður Einar!

Það var lögð fram og samþykkt ályktun frá fundinum sem mér fannst góð.  Mikill baráttuhugur var í fundarmönnum sem mér fannst skila sér til þeirra þingmanna sem mættu.

Athygli vakti fjarvera stjórnarþingmanna á fundinum.  Það var engin stjórnarþingmaður mættur - ekki einn, ekki einu sinni frambjóðendur stjórnarflokkana að tveimur undanskildum heimamönnum þeim Birnu Lárusdóttur og Svanlaugu Guðnadóttur.  Þetta er skammarlegt að mínu mati og ég sé að margir eru að blogga um þetta á netinu.  Ég veit ekki hvar mínir menn voru en skilaboðin sem þeir sendu með fjarveru sinni voru að mati fundarmanna - "þeir hefðu ekki tíma til að sinna íbúum þessa svæðis" eins og Einar Hreinsson sagði í sínum lokaorðum.

Ég þakka skipuleggjendum fundarins fyrir þennan fund, það var vel að honum staðið.

Athugasemdir

[Fylkir (IP-tala skráð) 12.3.2007 kl. 10:49]

 

Ingi Þór, 

rétt hjá þér -  þetta var góður fundur,  þ.e. sá fyrri  sá seinni , þ.e.  framboðsfundur Samfylkingar með öllum frambjóðendum sem ræðumönnum var algjör óþarfi á svona fundi.  E.t.v. erfitt fyrir fundarstjóra að stjórna því.  Mér hefði fundist að aðeins einn úr hverjum flokki væri nægilegt,  það er jú ódýrt fyrir stjórnarandstöðu að lofa.

Vissulega var það hneisa að stjórnarliðar - þ.e.  ráðherrar og þingmenn eða varaþingmenn væru ekki til staðar.  Skýring var komin á fjarveru Magnúsar ( veikindi ) og Sturla var erlendis.  Hvar voru hinir og var ekki hægt að koma einhverjum varamönnum að.

Þorleifur var framsögumaður með jákvætt erindi og Steinþór hefði getað verið betri -- bara svona af því að við þekkjum drenginn.

Hinsvegar var fyrsta tillaga hans athygli verð - ég ætla með hana í Hvetjanda - þar á hún heima

 Fylkir 

[Gunnar Pétur Garðarsson, 12.3.2007 kl. 12:11]

Ingi

það er algjör hneisa að okkar menn Sjallar hafa ekki mætt, það eru tveir vestfirðingar í 3 efstu sætunum og að þeir skulu ekki mæta þýðir að þeir eru að hugsa um eitthvað annað en þetta svæði. Ég hef tekið þá ákvörðun í framhaldinu á þessu að kjósa ekki XD þeir gera ekkert fyrir það svæði sem ég vill búa á og mælist ég til þess að menn hugsa sig vel um áður en þeir kjósa XD í vor og minnist þessa fundar. Það er kominn tími til að Sjálfstæðisflokkurinn fatti það að það er meira en bara suður svæði á íslandi. 

[Matthildur Ágústa Helgadóttir Jónudóttir, 12.3.2007 kl. 17:46]

Þeir sem enn styðja Einar Odd ættu að hlusta á viðtalið við hann á Útvarpi Sögu, þar afhjúpar hann sinn innri mann og sýnir meiri hroka gagnvart okkur Vestfirðingum og svæðinu en ég hefði getað trúað honum til.  Hvað varðar nafna hans úr Víkinni fögru þá hefur hann greinilega stungið höfðinu í sandinn.

Þessir menn ættu að skammast sín og ég ítreka áskorun mína til Vestfirðinga um að kjósa ekki svona menn inn á Alþingi okkar Íslendinga.