Meira um samningin við Símann ehf!

Á bæjarstjórnarfundi í gær voru símamálin til umfjöllunar.  Þar var lögð fram tillaga meirihluta bæjarstjórnar um að athuga með uppsögn á samningum við Símann ehf.

Tillagan var samþykkt með átta atkvæðum en einn bæjarfulltrúi sat hjá.

Næstu daga mun það verða athugað, hvort og þá hvernig, önnur símafyrirtæki geti þjónustað Ísafjarðarbæ.   

Það eru ekki nema rétt tæpar þrjár vikur síðan fulltrúar Ísafjarðarbæjar skrifuðu undir samning um símaþjónustu við Símann ehf.  Þegar sú undirritun var gerð þá var það gert í mjög góðri trú um að fyrirtækið ætlaði að halda áfram uppbyggingu á starfsstöð fyrirtækisins hér á Ísafirði.  Það hafa þeir ekki gert, heldur þvert á móti, dregið úr starfseminni hér.  Það er mín skoðun að framkoma fyrirtækisins sé ekki til þess fallinn að viðskipti við það séu fýsileg og því ber að hætta þeim og leita að samningum við annað fyrirtæki, þó að það kynni að hafa í för með sér kostnaðaraukningu fyrir bæjarsjóð.

Það mun svo koma í ljós á næstu dögum eða viku - við hvaða fyriræki verður samið um símaþjónustu við Ísafjarðarbæ. 

Athugasemdir

[Katrín, 3.3.2007 kl. 15:18]

Verð að viðurkenna það Ingi minn að þegar ég sá þetta á síðunni þinni fyrst átti ég ekki von á öðru en að um væri að ræða lágvært nöldur hins hefðbundna sjálfstæðismanns.  En alla leið fórstu með málið og er það vel.  Svo lengi má brýna deigt járn að það bíti  Til lykke!