Uppsagnir hjá Símanum ehf!

Nú hefur Síminn ehf sagt upp þréttánda starfsmanni sínum síðan 2002 hér á Vestfjörðum. 

Í gærmorgun komu hingað tveir einstaklingar frá höfuðstöðvum fyrirtækisins og áttu fund með starfsmönnum tæknisvið hér á Ísafirði.  Eftir þann fund var búið að segja upp tveimur starfsmönnum, annar með 22 ára starfsreynslu og hinn með 15 ára starfsreynslu hjá fyrirtækinu.  Ástæðan -  léleg verkefnastaða hér á svæðinu.!

Það eru liðnar rétt 2 vikur síðan ég sat fund með framkvæmdarstjóra fyrirtækjasviðs Símans hér á Ísafirði.  Ástæða fundarins var sú að Ísafjarðarbær hafði undirritað samning við Símann ehf, svokallaðan Ríkiskaupasamning.  Á þeim fundi kom það skýrt fram að ekki stæði til að breyta neitt starfsemi Símans hér á svæðinu í fyrirsjáanlegri framtíð. 

Þetta kallar maður að standa við gefin orð - eða þannig!  

Yfirmönnun Símans hefði verið í lófa lagið að haga starfseminni þannig að hingað væru flutt aukin verkefni sem hefði getað komið í veg fyrir þessar uppsagnir og einnig flytja hingað verkefni sem hæglega er hægt að vinna hvar sem er og hefði getað leitt til fjölgunar starfsfólks þeirra á svæðinu.

Þegar Ísafjarðarbær ákvað að skrifa undir samninga við Símann ehf., á grundvelli þess samnings sem hefur verið nefndur Ríkiskaupasamingurinn, var það gert í góðri trú um að fyrirækið myndi efla sína starfsemi hér á svæðinu í framtíðinni og reynast öflugur hluti af fyrirtækjaflóru samfélagsins.

Nú hefur það komið í ljós að Síminn hefur ekki í hyggju að standa við gefin orð og þess vegna mun ég næstu daga meta það hvort ekki sé í raun tilefni til að segja umræddum samningi upp og róa á önnur mið. 

 

Athugasemdir

[Fjstr. (IP-tala skráð) 28.2.2007 kl. 19:53]

Jæja frændi, 

Nú þarf stórhugamenn til framkvæmda og því þarf að útvega tvær lóðir í bænum,

#  1.   Lóð  fyrir framleiðslu á þeirri vöru sem mest eftirspurn er   eftir í   heiminum í dag -  hergögn.

           Það vantar um  50.000 fermetra lóð og samstarfsaðila, sölubatteri og hönnuði.  

#  2.    Mun smærri lóð  til framleiðslu á vörum sem kallaðar hafa verið"hjálpartæki ástarlífsins"  - Það er að sögn sölumanna næg eftirspurn og því kjörið tækifæri að að setja á stofn fyrirtæki.  Það vantar bara dugmikla hugsjónarmenn að fyrirtækinu.  Hvor okkar á að taka við SB bringusundskappann ?